معش قدرت نحدد هل الشي بس في عقلي ولا فعلا درته وخلطت بين الواقع والافكار

بعد فترة ننسى هل أنا فعلًا حكيلته الموقف ولا بس صار في عقلي

يكون في بالي حد نبي نحكيله موقف أو شي وبيني وبين نفسي نقول حنذكر ونقول وكذا…كلام عادي

شي غريب بدا يصير

-

الشخص قاعد يجاهد في نفسه وفي الحياة يسعى وصابر رغم انعدام الرغبة وفتور الدوافع ويستنجد ويدعي بالقوة لإنه ربي مازال كاتبله عمر يدعي رغم التعب والاستنزاف وبشاعة الدنيا ويحاول يكون رحيم بنفسه عشن واجد هو والزمان عليها

لكن مادام عايش ديما في فرصه تتوب وترد لوعيك

ومره ثانيه تعاطفي معاك ما يلغيش مسؤوليتك ولا يعطيك الحق إنك تغلط عشان الحياة وظروفها

وما نتعذرش بكلامي على المتعاطي وغيره من الي يتجهوا لطريق هذي..لكن قاعده نقول أنا فاهمه السبب الي يوصل الشخص لأشياء مشابهة

في مرحله ما لما تخش بعضها ومعش يبان عليك الصح من الغلط تلقى روحك خاش في طريق مش لكي

ما انخلقنش من صخر

لكن الانسان ضعيف مهما مثل وحاول يبين العكس

مفش شي في يدك ولا في حد يقدر يحلها لك، الحمدلله في رب عالم بكل شي

لما كلها تتعقد قدامك واليأس يتغلب عليك وتقعد عارف حقيقة الدنيا والشقى فيها

عارفه كيف الشعور لما تبدا تفكر بس في شي يلهيك شي يشغلك عن واقعك

بطريقة أو بأخرى نتفهم ونتعاطف مع الأشخاص الي تتجه لdistractions

Am I asking for too much?

لا أعرف المعنى وراء كل ما يجري الأن ، أنا فقط أستيقظ وأنا متعب ، وأنام وأنا متعب أيضًا ، شيء ما أريده أن ينتهي حتى أرتاح ، ولا أعرف ماهو .